Ngjarjet në këtë libër zhvillohen në mjedise herë të vërteta dhe herë imagjinare… Një natë dimri në Romë, Dioni vendos të ndjekë udhëzimet e një letre misterioze, që e çojnë drejt bibliotekës private të xhaxhait të tij. Po atë mbrëmje, në zemër të bibliotekës një duzinë punëtorësh filluan të shkarkonin kuti druri të mbyllura. Fati i Dionit ishte të duronte aty, i strukur në një qoshe, pa u diktuar, ndërsa lexonte ngjarje të pazakonta në librin që kishte përvjedhur nga kasaforta. Sa fate njerëzore dhe botë paralele mund të ruajë një libër i vetëm?!

FATET u shkrua si një prezantim i thukët mbi një botë si e jona, por jo e jona, me njerëz si ne, por të evoluuar për nga fuqia dhe intelekt; i prirë drejt një disutopizmi eksperimental mbi qeniet njerëzore dhe kursin e veprimeve të së gjallës.